Francia P. Guiruela

Pagmumundo

kan ika nawara ako nagmundo
garo ko pasan ang buong mundo
dai ko magibong lingawan ka
huli ta minomotan kang tunay talaga

sa tahaw kang kadikloman ako naghihibi
ginigiromdom an mga aldaw na kita magkaibahan
magabat sa pagmati na ako nawalat
mayong kadamay, mayong maski sisay

hanggang nuarin ako matios
sa kulungang ako man sana ang may gibo
makadulag daw ako sa katotohanan
o kaipuhan ko nang gabaon an kulungan

Eric Russel Sabularse

LIBOD

Mga bitoon sa langit,
saimong mga mata.
Asin bulanon mong mukha,
moot kong daraga.

An saimong kamot,
an kugos mong maginhawa,
ngirit mong magayon,
katuninungan an dara,

Maribok na kinaban,
dali-daling dulagan ta.
Asin sa saimong paraiso,
maduman kita.

Mangiturugan kita,
isipon ang maogma.
Ubuson ang panahon,
sa duyan, kitang duwa.

JENNY GREAMP O. GIMPAYA

TUNINONG NA KAPALIBUTAN

mati ko ang duros na naghahali sa kakahuyan
asin ang liwanag na nagpupukaw sa kapalibutan
na nagdadara ning gayon sa laog kan kinaban
na pirit na pigraraot kan mga katawohan

sa maraabot na bagong hinirasyon
pangatamanan asin lugod na pagayonon
huli ta ini nagdadara ning gayon
sa gabos na katawohan

Michelle Villafuerte

KATUNINUNGAN

Langit na mahiwas
garo dagat na pwedeng langoyan
kasiraman sa buhay
ginhawa nanggad ang makukua

Ang buhay digdi sa kinaban
daeng suba suba
kung ika maluya luya
daeng siram mabuhay

Kung ika magmamawot
na maging maogma
makukua mo yan
pag nakaabot sa langit na matuninong.

Pungaw na Daraga

Pwerte ang liwanag na naghahaplos

sa sakong palibot dulot kan mga aninipot

na kung anong maraot na duros

ang naghihigda sa kalangitan pirit

na nagpapaguiromdom sa mga panahong

dai ko malilingawan.

Ang paoy kong puso sige ang deritso

na raya-raya na sa apod ning kalag,

na maindata na namamate ang pait ning kinaban

inikit ko ang mga bihirang oras na madugtungan

ang pirang buhay na iyo ang nagpadangog

nin musika sa sakong pagdangog

nagsilbing bituon sa madoot kong agihan,

puon kan bayaan ako kan saimong liputok na pagkamoot,

na iyo ang nagatatao ning kusog

na magpadagos dawa sa ribok kan pag itok kan buhay.

Garu duyan na dae nalalabot

na dawa aboton nin makusog na duros

na iyo ang nagpapadpad sa mga anininpot

ta ngarig magbalik guiraray an saimong

pangako na dae mo bubutasan.

Pwerte lang and liwanag na naghahaplos

sa sakong sapat na hawak

na nagdadalihig sa sakong mata

ang pungaw sa imo aki ko

habang nagdadapo ang ngisi sa nguso mo

sige ang pagsabi sako na padangat taka

mahilingan ulit kita

ako an saimong kusog.

Prepared by:

Jessica Peñaflor

Eric Russel C. Sabularse

PAG-TUYAW

Tigsik ko an sakuyang barkada,
aroaldaw nag-iinom sa sala,
mala ta sayasay baga,
mapuruon na naman pagkaaga.

Tigsik ko giraray si barkada
ta mapadoktor ning resibo daa
ako si ma-iyo man sana
nakikbakan na naman si mama nya

PAG-OMAW

Tigsik ko an sakuyang bata,
na nasa sa Dubai nagtatrabaho na,
mauli siya ngunyang fiesta,
an pagmati ko maogma.

Tigsik ko si pading Kobe
kumapot ning bola matindi
sikat asin mayaman kong padi
may mga sing-sing na asin trophy
ngoniang taon siya pa ang finals MVP

BOROBENTOT

Tigsik ko si Cho Mon
parapataya ending sa harong
dyis pesos mo saiyang hahagadon
pag tuminama ka, dapat may painom

Tigsik ko man ining si mamay
puro na lang baga pasakit sa buhay
kang sa pwesto tuminukaw sabi daa kita mapaparahay
mala ta siya man lang ang ayahay
kitang pilipino mayo nang pambakal tinapay

PAKONSUELO

Tigsik ko satuyang mga magurang
na sa kada saro minatarabang
trabaho digdi trabaho duman
para mabuhay kitang magturugang

Tigsik ko ang parabalot
ta dawa matanga sige an libot
makapabakal lang ning masiram na sugok
nganing kumusog ang satuyang mga tuhod

Tigsik

Alfredo A. Espinola III

Pag-omaw

Tigsik ang mga maestra,
ta dawa kadikit ang nakukuang kwarta
sige sana para sa saindang pamilya.

Tigsik ko si sir Jacob,
simplehon mag-tirada
pero premyado sa saiyang mga obra maestra.

Pag-tuyaw

Tigsik ko ang mga politiko
kadakul promisa bago an eliksyon,
makatukaw sana sa posisyon,
mala ta kang nakatukaw na sa posisyon
daeng data man ang serbisyo sa pobliko.

Tigsik ko an mga traffic enforcer,
pito digdi, pito duman
para digdi para duman,
alagad maski mayong bayolasyon
tig-titikitan makakua lamang nin pagkakwartahan.

francia p. guiruela

PAG-UMAW

tigsik ko ining babae
inaasikaso ko hanggang bangui
maski ngani matinaram taram ini
padangat ko man dayupot sa sakong sadiri

tigsik ko ni si neneng
nagmumundo sa tindahan ni ate mameng
gusto ko man ranihan para damayan
uminabot man an ilusyon kanos kanos na man


PAGTUYAW

tigsik ko ining maestro
pangisi ngisi sa may kanto
paghuna mo may ginigibo
ito palan naninirip ki bato

tigsik ko man ining tinampo
dai nawawaran nin awto
taga hiling hiling sa balyo
ti baad may magabot na pasahero


BOROBENTOT

tigsik ko ning sarong babae
sobrang hilig manlalake
painom inom sa ki red horse
pagkatapos diretso sa madiklom

tigsik ko ni si manoy
dai naguntok kaka taghoy
ang tindog baga na kahoy
kamukha na nin unggoy


PAKONSWELO

tigsik ko ni si nanay
amay amay naghahanapbuhay
dawa ngani mayo si tatay
kami saiyang nabubuhay

tigsik ko man ni si tatay
naglalapigot maghanap ki gulay
saiyang iniisip ang pagkakan ni totoy
para makaiba sa graduation

jenny greamp gimpaya

PAG- OMAW

Tigsik ko ang gayun mo,
Lataw na intiro,
Sarong salimbad lang saimo,
Hali tulos ang pagmundo ko.

Tigsik ko ining babae,
Haling taiwan na sinasabi,
Paguli abang gayon na sana,
Hilinga ta damag ang parapasyar niya.

PAGTUYAW

Tigsik ko ining ribong,
Tsinelas sara-saibong,
Mag bado garo na trapo,
Yaba-yaba na sa tinampo.

Tigsik ko ang babaeng makanus,
Garu kasta Magbulos-bulos,
Kung siya minadulok na,
Lalaki minadulag saiya.

BOROBENTOT

Tigsik ko ang mag-agom,
Lapigot mag pundar ning harong,
Alagad pag-abot kang panahon,
Si Mister, may iba nang agom.

Tigsik ko ang mag kaelosyon,
Ang Paaram maprosisyon,
Kung saimong sususugon,
Uto, duman sa madiklom.


PAKUNSUELO

Tigsik ko ining bunot,
Puweding pang-iwang sa lubot,
Alagad kung ika masalugsugan,
Kulog!!! ang mamamatean.

Tigsik ko ang namok,
Dawa sain minatugdon,
Kung makakagat sa tawo,
Daing siring ang gatol.

Michelle Villafuerte

PAG UMAW

Tisgik ko ang sarong maestro
maski huri maglaog ang estudyante
pirmi man giraray kampante
kaya kami maugma sa klase

Tigsik ko ang mga ka major ko
maski bihira maghirilingan
pag minairibahan, dae minapundo
ang mga nguso sa mga isturya.





PAGTUYAW

Tigsik ko ang samong kataid
pagka aga nag chichismisan
pagka hapon, nag bibiringguhan
pag banggi mayong chiribugan.

Tigsik ko ang sarong babae
na kang daraga pa kagayon
pirming makapustura
kang nag agom, ni buhok
dae lamang maisipan sukrayon.

BOROBENTOT

Tigsik ko ang sakong amiga
na kabit kang sakong amigo
kang nagkaburukingan,nabaldi si padi
ta mayong supog ang sakuyang madi.

Tigsik ko ang sarong maestro
na pirming dara ang laptop
kang naraot si laptop
apektado pati pag tukdo.

PAKONSWELO

Tissik ko ang sakuyang ina
na maribok pag kaaga
sa kasisibot sa kusina
para may makakan kami sa lamesa.

Tigsik ko ang sakong ama
na mahiguson magtrabaho
para may maipakakan samo
sa aro aldaw na pagkabuhay.

JESSICA O. PENAFLOR

PAG-OMAW


tigsik ko kay nene,
hari sana ipaghele,
ruminani ka igde,
ta ako kuguse.



tigsik ko ang paeskwela,
dawa ako gumurang man,
ang sibut kong lubot,
ang kamuotan sa pagklase uminabot.



PAG-TUYAW



tigsik ko sa sarong tawo,
uminabot sa pakauyam ko,
kung habo di dai,
sige sana kung iyan ang gusto mong paagi.



tigsik ko ning si don marsyal,
minabanggi o amay perming napapagal,
pirang bote tinagay,
hay!inda ta sige pa giraray.



PAGBENTOT


tigsik ko ang an kadakulan kan aki,
ata bago palang pangaki,
imbes labaran ang mga musmos,
mala ta eyo pa ang mina kuskus.



tigsik sa babaeng garu kampon,
kulang nalang ibala sa kanyon,
dai pakundangan kun siya kaulayon,
ipakarahay nya ang saiyang kauragan.



PAKUNSWELO


tigsik ako sa ina ko na mabuoton,
huminali ako alagad tapos ang gibuhon,
ako man lugod intidihun,
ta masakit umayon ang lugad na dai binulong,
sakung ina ako kugusun,
ta ika ang sakung solosyun.



tigsik kay neneng magayunun,
sige sana ang papagayon,
kun minadiklum ang palibot
saka sana nakembot.

Maridel D. Fulgueras

PAG-UMAW
Tigsik ko ining si sir
Magayonon an boses,
asin masiramon dangogon
an saiyang tataramon

Tigsik ko an samong tindera
Dawa pagal na sa pagtinda
Todo ngirit sa madla
Daw makulog na an panga.

PAGTUYAW
Tigsik ko ining si Tiya
pag nagluluto nin panira.
Pag nagbabakal ako sainda
Mayong namit an lasa.

Tigsik ko si ate Mayo
Kung makatsismis todo-todo
Kaya pirmi an gibo ko
Nakikipagclose sa babaeng ito.

BOROBENTOT
Tigsikko ining kabisto ko
Nabadosan kan saiyang nobyo
Kaya ngunyan an saindang plano
Mapalaglag daa sa dominggo.

Tigsik ko ining babaeng ini
Kung magkirag matindi
Atang hawak lang magayon saiya
Garu hipon baga.

PAKUNSUELO
Tigsik ko ining parapadyak
Ang hangos ko puro paluwas
Tanu ta puro paluwas?
Mabataon kaya an hawak.

marai n pgkaaga

mau kmi msabi sir..